غرك جمالك ياخساره حلاتك

الله يجازي من يسوي سواتك
وبذنوب مـن سـوى سواتـك يجازيـك

مشيـت درب الثقـل وتحـب ذاتـك
ماتـدري انـه للمهالـك يوديـك

غرك جمالك ياخساره حلاتـك
ماتـدري ان ماغيـر طبعـك يحليـك

بتقول زينك يشفع لسيآتك
الحسـن ماهـو عـن وفـا الحـب يعفيـك

لوالتواضع والوفا من سماتـك
بعـت الحبايـب كلهـم ديـن واشريـك

لكن عجزت اغيرك ياجراتك
على الغيـاب اللـي بـلا عـذر ينجيـك

خطاي في توضيح وشي غلاتك
وخطاك فـي توضيـح وشـو تغليـك

وشلون توصيني وتنسا وصاتك
وتصد عـن صوتـن تقطـع يناديـك

مافاتك التجريح والعذر فاتـك
وتبغـي الـراي الحيـل ماعـاد يمديـك

صحيح احبك بـس هـاذي جزاتـك
بعلمـك درس يفيـدك ويحييـك

تدري وش ابيض من خفوقك عباتك
وتدري وش اللي غرني نظرتي فيك

ادري بتستغرب تصبـر وجاتـك
قصيـدة مـن واحـد كـان يبغيـك

وتبغي تناظر وانت عايش مماتك
شف وحدتك والناس تجلـس حواليـك

وتبغي تشوف اشجع رجل في حياتك
شفني وانا راحل على كثر ماغليـك

يعطيك العافيه

تقبل مروري

مشكوووور اخوي على الموضووع الحلو ماتقصر ولا تحرمنا من جديدك
اخوك
بدر البدور